الشجرة ديال البلاستيك ديال القراعي بالصور طبعا

بسم الله و على بركة الله


باش نصاوب هاد الشجرة غنحتاج ل30 قرعة ديال المونادا خاوية و صباغة خضراء و عصا ديال الشطابة و فاز و الكبص و الصقلي لونو نحاسي و 12 وردة على حسب الرغبة أما اللوازم غنحتاج لمقص و شيتة للصباغة


اولا كنقطع البلاصة علاش كتوقف القرعة بحال في الصورة.ثم كنحل القرعة بالمقص على هاد الشكل.



القرعة ديال 1 لتر كنحلها على 2 و القرعة ديال 1لتر و نصف كنحلها على 3 و القرعة ديال 2 لتر كنحلها على 4 .



ثم بالمقص كنقور من الفوق على شكل ورقة ثم كنشنفها بحال هاد الشكل


من بعد كنصبغ الورقات ديالي و ندردر عليها شوية ديال الصقلي و نخليها تنشف






كنخد الكبص نعملو في الفاز بعد مخلطو بالماء و نغرس فيه العصا و نخليه حتى ينشف ثم نبدى نركب الورقات ديالي على هاد الشكل



ثم كنصبغ فم القرعة بحال هاد الشكل
كنسبق القرعات ديال 2 لتر ثم ديال 1 لتر و نصف ثم ديال 1 لتر ثم نختم ب2 أو 3 ديال نصف لتر دائما مع غرس الوردات بين كل 2 قرعات بحال هاد الشكل




و في الأخير كناخد القاع ديال 2 قرعات ديال نصف لتر و نزديهوم و نخشيهوم في العصا و نصبغهوم و ها الشجرة ديالي واجدة.




ايوا كيف جاتكم