بشنيخة باقية سخونة...
السلام عليكم و رحمة الله تعالى و بركاته
المقادير:
500 غ دقيق، معلقة راس الحانوت، نصف معلقة قرفة، معلقة كبيرة سمن، شوية خرقوم ( انا عوضته بضامة الزعفران كيجي زوين ) 1 بيضة، كاس زيت، شوية خميرة ديال العجينة، 2 معالقكبار خل، 1 معلقة كبيرة نافع مطحون، الملح، تعجن بالماء دافئ.
الزنجلان و العسل للتزيين
اول حاجة نخلط المقادير كلها و نعجنها مزيان حتى تكون متجانسة
من بعد نعمل منها كويرات
من بعد نورقها بالمدلك و نعملها في مكينة سباكيتي و نعبر شوية و نقرص العجينة مزيان باش ماتحلش ليا على هاد الشكل
غير نكملها و نبدا نقليها في الزيت سخونة مانخليهاش حتى تخمر
و ملي نحيدها نطفهيا في العسل و من بعدا نصفيها و نرش عليها الزنجلان
ايوا الطبق النهائي هو هذا
بالصحة و الراحة
